ماکرۆن: ئەوانەی هێرشەکەی ڕوسیایان ئەنجامدا، هەمان هەوڵیشیان لە فەڕەنسا داوە
ئەمڕۆ دووشەممە، ئیمانوێل ماکرۆن سەرۆکی فەڕەنسا لە کۆنگرەیەکی ڕۆژنامەوانیدا ڕایگەیاند، ڕوسیا بووە قوربانی توندڕەوەکان، لقی خۆراسانی داعش لە ماوەی چەند مانگی ڕابردوو ھەوڵی ھێرشی ھاوشێوەیانداوە لە فەڕەنسا.
ھەروەھا ڕایگەیاند، دوای ھێرشەکەی مۆسکۆ ئاستی وریایی ئاسایش دەگەیەنینە لوتکە بۆ ڕێگری لە ھەر کردەیەکی تیرۆرستی.
ھەروەھا گابریێل ئاتال سەرۆکوەزیرانی فەڕەنسا لە تۆڕی ئێکس ڕایگەیاند، دوای کۆبونەوەی ئیمانوێل ماکرۆن لەگەڵ گەورە بەرپرسانی بەرگری و ئەمنیی، بڕیاری زیادکردنی ئامادەکارییە ئەمنیەکان ھات بۆ ڕێگری لە ھەر ھێرشێکی تیرۆرستی کە بیەوێت فەڕەنسا بکاتە ئامانج.
ئەم بڕیارە لە کاتێکدایە کە مانگی داھاتوو پاریس میوانداریی یاریەکانی ئۆڵۆمپیاد دەکات و گەشتیارێکی زۆر ڕوو لەو وڵاتە دەکەن.