ڕوسیا : توندڕەوە ئیسلامییەکان لەپشت ھێرشەکەی مۆسکۆ بوون
ڤلادیمێر پوتن سەرۆکی ڕوسیا ڕایگەیاند کە ھێرشەکەی ھەینی ڕابردووی مۆسکۆ کە لە ئاھەنگێکی میوزیکدا ڕوویدا، توندڕەوە ئیسلامییەکان لەپشتییەوە بوون و ئەگەری ئەوەش ھەیە ئۆکراینا پەیوەندی بە ھێرشەکەوە ھەبێت.
ڕاشیگەیاند کە ئەنجامدەرانی ھێرشەکە ناسراوەنەتەوە و بەشێکیان دەستگیرکراون، بەڵام دەمانەوێت خۆمان بڕۆین بە دوای کەیسەکەدا تا بگەینە لایەنی ئەنجامدەری ھێرشەکە بە دروستیی، ئەمریکاش سەرقاڵی ئەوەیە کە لە ھەمووان تێبگەیەنێت ئۆکراینا لەپشت ھێرشەکەوە نەبووە.
وتیشی ئەم جۆرە ھێرشانە بۆ بڵاوکردنەوەی مەترسییە لەناو ڕوسیا، بە تایبەت لەگەڵ بەرەوپێشچوونی ھێزەکانمان لە مەیدەکانی جەنگ لە ئۆکراینا.
ھەینی ڕابردوو لە ئەنجامی ھێرشی ژمارەیەک چەکدار بۆ سەر ئاھەنگێکی میوزیکی لە مۆسکۆی پایتەختی ڕوسیا، ١٣٩ کەس کوژران و ١٨٢ کەسیش برینداربوون، پاش ھێرشەکە لقی خۆراسانی ڕێکخراوی تیرۆرستیی دەوڵەتی ئیسلامیی (داعش) بەرپرسیارێتی خۆیان لە ھێرشەکە ڕاگەیاند